Влатко и бендот од "Најбогат на свет" снимија спот

Рокерот Влатко Илиевски деновиве беше зафатен со снимање на спотовите за песната "Најбогат на свет", во македонска и во српска верзија.

Од "План Б" продукција, која се грижи за кариерата на популарниот рокер не известија дека Влатко во друштво на Дојчин и на Дарко Тасев снимаше цели 15 часа во ресторан "Воденица", ресторан "Тилио" и на неколку други скопски локации. Режисер на спотот е Влатко, а за потсетување песната е дело на Весна Малинова, Дарко Тасев и на Владимир Дојчиновски- Дојчин. Со српската верзија на песната, тој ќе настапи на фестивалот "Сунчане скале" во јули во Херцег Нови.

И уште една убава носвост за Влатко: "План Б продукција" ја закажа официјалната промоција на новиот тираж на албумот со "Други зборови", во "Винер клубот, во ТЦ Соравиа, на 28 мај, во 21:30 часот. Рокерот и неговата екипа ветуваат супер забава на отворено.

На промоцијата, Влатко ќе испее и неколку песни во анплагд верзија.

Откако е распродаден првиот тираж, новиот се печати во ограничен лимит и ќе се продава само по ексклузивните музички продавници низ Македонија.